జనసేన కార్యకర్తలను తొక్కుతున్నారు: టీడీపీ వైఖరిపై ఎమ్మెల్యే బొలిశెట్టి సంచలన వ్యాఖ్యలు

టీడీపీ గెలిచిన స్థానాల్లో జనసేన కార్యకర్తలను అణచివేస్తున్నారంటూ తాడేపల్లిగూడెం జనసేన ఎమ్మెల్యే బొలిశెట్టి శ్రీనివాస్ తీవ్ర వ్యాఖ్యలు చేశారు.

అయితే జనసేన గెలిచిన నియోజకవర్గాల్లో మాత్రం తాము టీడీపీ నాయకులకు తగిన గౌరవం ఇస్తున్నామని ఆయన తెలిపారు.

ఈ సమస్యపై ముఖ్యమంత్రి చంద్రబాబుతో పవన్ కల్యాణ్ మాట్లాడతారని పేర్కొన్నారు.

గత రెండున్నరేళ్లుగా కార్యకర్తలు పడ్డ బాధలను గమనించామని, ఇకపై అలాంటి పరిస్థితులు రాకుండా చూసుకుంటామని హామీ ఇచ్చారు.

అలాగే నాయకులు ప్రవర్తించే తీరును బట్టే రాబోయే స్థానిక ఎన్నికల్లో పవన్ కల్యాణ్ టికెట్లు కేటాయిస్తారని స్పష్టం చేశారు.